Студэнты-гісторыкі групы «Б» першага курса гісторыка-філалагічнага факультэта МДУ імя А. А. Куляшова 08–21.07.2019 г. ўдзельнічалі ў раскопках у складзе сумеснай беларуска-расійскай архітэктурна-археалагічнай экспедыцыі па вывучэнні Спаса-Праабражэнскага храма ў Полацкім Спаса-Еўфрасінеўскім манастыры. Два тыдні яны дапамагалі раскопваць падмуркі невядомых раней галярэй каля паўночнай і заходняй сцен будынка. Раскопкі маюць надзвычай важную місію — уратаванне знакамітых фрэсак храма. Раскапаныя падмуркі ўмацоўваюцца, забяспечваецца іх гідраізаляцыя. Нягледзячы на даждлівае надвор’е раскопкі ішлі штодня пад спецыяльным навесам. Манастыр гасцінна карміў поснымі, але смачнымі абедамі. Рабяты пражывалі ў студэнцкім інтэрнаце ў г. Наваполацку і пазнаёміліся з цэнтрам беларускай нефтахімічнай прамысловасці.

У другой палове дня студэнты ў адпаведнасці з праграмай практыкі апытвалі палачан сталага ўзросту аб штодзённым жыцці ў гады Вялікай Айчыннай вайны і ў пасляваенны час, наведвалі музеі і экскурсіі, слухалі лекцыі. Найбольш запамінальнымі былі экскурсіі па корпусу Полацкага дзяржаўнага ўніверсітэта (былы езуіцкі калегіум), па Спаса-Еўфрасінеўскім манастыры, па гораду Полацку і Віцебску, наведванне музея ткацтва, Сафійскага сабора і выставы прысвечанай упрыгожванням Полацкага княства 10–13 стст., мастацкай галярэі.

У лабараторыі кафедры гісторыі і турызму ПГУ адбыліся сустрэчы-лекцыі з антраполагам Вольгай Емяльянчык, кіраўніком экспедыцыі археолагам Аляксеем Коцам. У самой царкве лекцыю па эпіграфіцы Спаскага храма прачытала Іна Калечыц, а па архітэктуры храма — загадчык сектара архітэктурнай археалогіі дзяржаўнага Эрмітажу Расйскай Федэрацыі Мікалай Торшын.

Аляксандр Агееў


Президент Республики Беларусь
Министерство образования Республики Беларусь
Национальный правовой Интернет-портал Республики Беларусь
Национальная библиотека Беларуси
АБИТУРИЕНТ.BY
© 2019 Историко-филологический факультет
учреждения образования «Могилевский государственный университет имени А. А. Кулешова»,
ул. Космонавтов, д. 1,  212022  г. Могилев, Республика Беларусь